Kini kujdes në atë që shkarkoni: Një virus i ri sulmon Android dhe vjedh detajet e bankës

Një virus i ri sulmon Android dhe vjedh detajet e bankës

Të gjithë ata që përdorin sistemin operativ Android e dinë se sa e rrezikshme është të instaloni aplikacione që nuk vijnë nga dyqani zyrtar i Google Play.

Virusi i ri që sulmon aplikacionet Android quhet BlackRock dhe sipas raporteve nga kompania e sigurisë në internet Threat Fabric, e para që goditi të dhënat bankare të përdoruesve.

Më shumë se 300 aplikacione janë të ndjeshme ndaj virusit të BlackRock, dhe në mesin e tyre janë edhe disa nga ato të njohura – Gmail, Facebook dhe Tinder.

Përveç informacionit standard në lidhje me kontaktet dhe llogaritë tuaja, ai sulmon gjithashtu të dhënat e hyrjes në e-banking, si dhe numrat e kartave të kreditit.

Kur shkarkoni një aplikacion të infektuar me programin BlackRock, do t’ju kërkojë leje për të hyrë në pjesë të ndryshme të pajisjes tuaj, dhe nëse e aprovoni, do të jetë në gjendje të marrë dhe dërgojë mesazhe për ju, të nisë aplikacione dhe madje të bllokojë dhe zhbllokojë telefonin tuaj.

Ky virus, të paktën tani për tani, nuk është gjetur në dyqanin zyrtar të Google Play, por në vendet ku shkarkohen “aplikacionet e palëve të treta”.

Këshilla më e mirë në raste të tilla është të lexoni rishikimet me kujdes kur shkarkoni një aplikacion dhe t’i kushtoni vëmendje të plotë autorizimeve që ju jepni. /Telegrafi/

You May Also Like

Leave a Reply

Your email address will not be published. Required fields are marked *

*

code

Translate »